минаторпедалық авиация

(Мино-торпедная авиация)

ХХ ғасырдың 70-жылдарына дейінгі әскери-теңіз флоты авиациясының бір түрі. М.а-ның негізгі қызметі – теңіздегі және орналасу пункттеріндегі кемелерді жою және миналы бөгеттер қою. Екінші дүниежүзілік соғыста және одан кейінгі шағын соғыстарда М.т.а. жағалау аэродромдарындағы авиацияны жою және қарсыластың жағалаудағы әр түрлі құрылыстарын қирату үшін пайдаланылды. М.а-ның басты ұрыс құралдары – авиациялық торпедалар мен миналар, авиабомбаларды да пайдаланады. Екінші дүниежүзілік соғыс кезінде торпедаларды, миналарды, авиабомбаларды шағын және үлкен биіктіктен қолдана алатын нысананы ұшақтар қолданыла бастады. Соғыс барысында М.а. қимылдарының негізгі тәсілдері соққыларды шоғырландыру, эскадрильялар мен звенолардың біртіндеп соққылауы, қарсылас кемесін теңізде жеке ұшақтармен немесе ұшақтар тобымен іздеу, барлауда табылған кемелерді жоюға дайын күйінде аэродромда кезекшілік ету болып табылады. Соғыстан кейінгі кезеңде М.а. құрамында поршеньді көп нысаналы Ил-4, Ту-2, ТУ-14 және ТУ-16 ұшақтары пайда болды.